ԵՐԿՈՒ ՍԻՐՈ ԱՐԱՆՔՈՒՄ | Պարույր Սևակ

ԵՐԿՈՒ ՍԻՐՈ ԱՐԱՆՔՈՒՄ

January 2, 2013 Բանաստեղծություններ

Зрительный вектор . Ресепшн стойка и другая офисная мебель для приемной. .

Մի անինքնասեր տգեղ կնոջ պես
Սիրահարվել է ինձ տխրությունը,
____Որին չեմ սիրում,
____Եվ այդ պատճառով
Նա իր հագուստն ու անունն է փոխում –
____Մերթ՝ կոչվում թախիծ,
____Մերթ՝ կարոտ,
____Մերթ՝ վիշտ,
Ցավ կամ տրտմություն:
____Հետապնդում է
____Ու չի հասկանում,
Որ մենք չենք սիրում հետապնդողին,
Որ մենք սիրում ենք ու գերվում նրան,
____Ում դուր չենք գալիս:
____Ես էլ իմ հերթին
____Իմ ամբողջ կյանքում
____Հետապնդում եմ ուրիշին՝
________Նրա՛ն,
____Որ նույնպես, դիտմամբ,
____Անունն է փոխում –
____Այն հույսով գուցե,
____Թե մոլորվելով՝
____Հետքն իր կըկորցնեմ –
Մեկ խնդություն է անվանում իրեն,
____Մեկ՝ ուրախություն,
____Կայտառություն է
____Կամ պայծառություն:
____Հետապնդում եմ
____Ու չե՜մ դադարի,
____Մինչև նա, անո՛ւժ,
____Մինչև նա, տրվա՛ծ,
____Ինձ չասի.
____«Քոնն եմ»:

____Վկան՝
____Ա՛յն կանայք,
Որոնց ոչ անունն ու ոչ էլ հասցեն
____Նշել չեմ կարող…

19.XII.1959թ. Թիֆլիս

Leave a reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>