ՎԱՐՔ ՄԵԾԱՑ | Պարույր Սևակ

ՎԱՐՔ ՄԵԾԱՑ

February 20, 2013 Բանաստեղծություններ

.

Ո՜ւշ-ո՜ւշ են գալիս, բայց ո՛չ ուշացած.
Ծնվում են նրանք ճի՛շտ ժամանակին:
Եվ ժամանակից առաջ են ընկնում,
Դրա համար էլ չեն ներում նրանց:

Անտոհմ չեն նրանք կամ անհայրենիք.
Հասարակ հորից ու մորից ծնված՝
Սերում են նրանք և ա՛յն վայրենուց,
Որ էլ չէ՜ր կարող ապրել քարայրում:

Սերում են նրանք և ա՛յն ծերուկից,
Որ նախընտրում էր քնել տակառում:
Սերում են նրանք և ա՛յն պատանուց,
Որ սիրահարվեց իր իսկ պատկերին:

Սերում են նրանք բոլո՜ր նրանցից,
Որ սատանային հոգին են ծախում,
Միայն թե անե՛ն մտածածն իրենց,
Ի՜նչ փույթ, թե սատկեն ժամանակից շուտ:

Անվտանգ՝ ինչպես հրդեհն արևի,
Անվնաս՝ ինչպես օգտակար լորտուն,
Վախ են ներշնչում պետություններին
Մինչև իսկ իրենց կամքի հակառակ:

Արքաների հետ խոսում են «դու»-ով,
Եթե, իհարկե, լսում են նրանց,
Իսկ թե չեն լսում՝ մե՜կ է, չե՛ն լռի,
Կխոսեն նույնիսկ իրենց կոշկի՛ հետ:

Ով սահմանում է նոր օրենք ու կարգ՝
Հայտարարվում է և օրենքից դուրս:
Բայց չե՜ն վախենում նրանք չար մահից.
Ապրում են դժվար ու մեռնում են հեշտ…

09.X.1961թ. Երևան

10 comments to ՎԱՐՔ ՄԵԾԱՑ

  • Susi  says:

    Hrashq banastexcutyun Pashtum em

  • Grigor  says:

    bolor jamanakneri lavaguyn grox

  • Avagyan Susanna  says:

    hrashq banastexcutyun sirumem shat

  • Syuzi  says:

    djvar em sovorum

  • Sasun  says:

    Sutes asum . Es em pashtum elav axji ?

  • Winner.o.f.Armenia  says:

    shat lav banastexcutyun

  • Rima  says:

    Shat lavna

  • ArAQS  says:

    im sireli groxneric mekne Paruyr Sevak@ ….Hianali banastexcutyunnere grel

  • sevo aslanyan  says:

    sevak jannn

  • sevo aslanyan  says:

    es es es qo cav@@@ ttannem

Leave a reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>